سندھودیش روولیوشنری آرمی نا ترجمان سوڈھو سندھی میڈیا غا شنگ کروک تینا بیان ئٹی پارینے کہ تِدوکا نن ماتلی سٹی (بدین) ئٹی ایجنسی تا مخبر، تومکا ایلُم و انتہا پسند مذہبی تنظیم سنی رابطہ کونسل(سپاہ صحابہ) نا عغدہ دار عبدالواحد کمبوہ و محمد طاہر کمبوہ غا جلہو نا زمہ واری ئے ارفنہ۔
بیان نا رِد ئٹ جلہو ئٹی اسِہ مخبر و تنظیم نا عغدہ دار عبدالواحد کمبوہ خلنگ مس و محمد طاہر کمبوہ ٹپی مس۔
ترجمان پارینے کہ پاکستانی ریاست سندھ ئنا وسائل و زمین ئے کوزہ کرینے و دریاے سندھ کینال جوڑنگ تون اوار اسِہ منظم ءُ ڈٹ بندی ئسیٹ سندھ نا تہٹی دننگ و تینا پنجاپی آبادی نا زریعہ ئٹ مخبری و سروے کرفک، راجی باسک آتا دزگیری و تینا پنجابی آبادی ٹی بدل کرفنگ ءِ۔ ایلو کُنڈ آن اسِہ چم بازی ئسیٹ مذہبی تنظیم نا معرفتی مذہبی انتہا پسندی ئے فروغ تننگ ءُ۔
ترجمان پارینے کہ دا تومکا ایلُمک ریاست و اونا ایجنسی تہ پاننگ ئٹ خاص کر ضلع بدین و دریابی پٹی ٹی مذہبی انتہا پسندی ئے ودِفنگ و تینا آبادی کن کوزہ گیری پیش کننگ ءِ۔
ترجمان بیان ئٹی پارے کہ سندھو دیش روولیوشنری آرمی سندھ ئنا تیبہ آجوئی ئسکان تینا مزاحمتی جہد ئے برجاء تخنگ نا عزم ئے کیک۔
