حوال تروک آتا رد ئٹ تربت بمب تراک ئٹ سینیئر سپرنٹنڈنٹ آف پولیس (ایس ایس پی) زوہیب محسن ہم ٹپی مسنے۔
بلوچستان حکومت نا جارکش شاہد رند پک کرینے کہ ایس ایس پی محسن ٹپی مسنے۔
یات مرے کہ تربت ئٹی پاکستانی لشکر نا کارندہ غا تہ دروک آ بس ئے جلہو ئٹی ٹک کننگاسس ہراٹی کیہی کارندہ غاک خلنگ و ٹپی مسوسُر۔
بلوچ لبریشن آرمی تربت جلہو نا زمہ واری ئے ہرفے و بی ایل اے نا جارکش جیئند بلوچ میڈیا غا تروک اسہ درشان ئسیٹی پارے کہ تنظیم نا فدائی یونٹ مجید بریگیڈ کوزہ گیر پاکستانی لشکر نا ٹولی ئسے آ جند ندر جلہو ئس کرینے۔
