ضلع کیچ ئٹ ارا جہہ آ برانز و کسر تا بند مننگ نا سوب آن تربت تون کراچی و کوئٹہ نا زمینی حوال تیبہ بند ءِ، ہراڑان دا تومکا بنجائی شار تا کنڈ آ سفر کروکا بندغ آتِہ سفری مشکل آتون مون تروئی تمنگ ءِ۔
جمعہ نا سُہب آ بلوچ یکجہتی کمیٹی نا بھلُنی ٹی پاکستانی لشکر نا بیدادی آن شہید مروک ظریف عمر و نوید حمید نا خاہوت آک ایم ایٹ کسر ئے جدگال ڈن ( ڈی بلوچ) پوائنٹ آ برانز کرسہ بند کرینو۔ ہوشاپ زیرو پوائنٹ آ سی پیک کسر ئے مہالو آن زمان جان و ابوالحسن نا خاہوت برانز کرِسہ اَسہ ہفتہ ئسے کن بند کرینو۔
ظریف عمر و نوید حمید نا خاہوت آتون اوار بیگواہ کننگوک بندغ آتا خاہوت آک تینا بندغ آتا آجوئی کن برانز کرسہ اسہ ہفتہ ئسے آن زیات وخت آن شہید فدا چوک تُربَت ئٹ برانز آ تولوک اسُر، ہرافک تینا برانز ئے جمعہ نا سُہب شہید فدا چوک آن جدگال ڈن آ ایم ایٹ کسر آ دریر۔
دا وخت تُربَت ئٹ پیہوک و پیشتموک کُل کسرک بند ءُ ہرانا سوب آن کراچی و کوئٹہ کن سفر کروکا مسافر تِہ ہڑاند آتون مون تروئی تمنگ ءِ۔
واہم برانزی تا پاننگ ءِ کہ اوفتون حکومت دائسکان سوبرو ہیت ئہ گپ نا کوشش کتنے۔
