وائس فار بلوچ مسنگ پرسنز (وی بی ایم پی) نا برانزی گدان شال پریس کلب نا مون آ اینو ہم برجاء سلیس۔
زوراکی نا بیگواہی نا برخلاف و شہیدا آتیکن وی بی ایم پی نا برانزی گدان ئے اینو 5687 دے پورو مس۔ اواری نا درشانی کن وکیل آک بسّر او زوراکی ئٹ بیگواہ کننگوک بندغ آتا خاہوت آتون اواری نا درشانی کریر۔
وکیل آک دا وخت آ تران کرسہ پاریر کہ انصاف آن ویتہ چاگڑد ئٹی امن بننگ کپک۔ بلوچستان ئٹی زوراکی نا بیگواہی نا ویل بلوچ چاگڑد ئٹی بےجاراتی ئے زیات کرینے۔ بلوچستان ئٹی زوراکی نا بیگواہی تہ چھٹفنگ آن ویتہ حالت آک جْوان مننگ کپسہ۔
دا مرغنا برانز ئنا اسہ رنگ سروکی ئے کروک ‘وائس فار بلوچ مسنگ پرسنز’ نا وائس چیئرمین ماما قدیر بلوچ بروک مہمان تتون ہیت کرسہ پارے کہ بلوچستان ئٹی بندغی حق آتا جہد سخت مسّنے۔
او پارے کہ بلوچ نا حق آتا جہد ظلم ئنا نظام تون ٹھکر ہلّنگ نا پِن ءِ داڑکن بیڑی تہ ہُشوئی تمک۔
