بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارے کہ سرمچارک کیچ و آواران ئٹی اِرا جتاؤ جلہو تیٹی دشمن ئے ٹک کرسا جانی و مالی نُسخان تِسُر۔
او پارے کہ 1 جنوری 2025 نا نن، دوانزدہ بجہ غا سرمچارک کیچ ئنا علاقہ ہیرونک ئٹی کوزہ گیر پاکستانی لشکر نا کیمپ آ بھلا سلاہ آتیٹ جلہو کریر۔
او پارے کہ جلہو ئے ہموتم کریر وختس کوزہ گیر لشکر نا کارندہ غاک پوسکُنا سال ئنا خوشی ٹی آختہ اسُرہ، جلہو ئٹی لشکر ئے جانی و مالی نسُخان مس۔
اونا پاننگ اس کہ سرمچارک حکمت عملی نا حساب ئٹ دا وخت ئنا انتظار کریر کہ دشمن پوسکُنا سال نا جشن کُننگ نا تیاری ٹی مشغول اسُر۔
ترجمان پارے کہ پین اسِہ جلہو ئسیٹی بی ایل ایف نا سنائیپر ٹیکٹیکل ٹیم اینو نن ئنا شش بجہ غا آواران نا علاقہ جھاؤ، دارو کوچہ ٹی کوزہ گیر لشکر نا کیمپ آ اسنائپر ئٹ جلہو کرسا لشکر نا اسِہ کارندہ ئس خلکُر۔
او ایسر ئٹ پارے کہ بلوچستان لبریشن فرنٹ دا جلہو تا زمہ واری ئے ارفک و بلوچ سرزمین نا آجوئی ئسکان کوزہ گیر لشکر آ جلہوک برجاء مرور۔
