وائس فار بلوچ مسنگ پرسنز نا برانزی گدان ئے سال ئنا گُڈیکو دے پانزدہ سال، شش تُو بیست و یک دے پورو مس۔ وی بی ایم پی نا برانزی گدان دا وخت آ دنیا ٹی اسہ وڑ برجاء سلوک ارٹمیکو بھلا برانزی گدان ءِ۔
سال ئنا گُڈیکو دے پروم پنجگور آن لالا نور محمد، غازی، اللہ داد و ایلوفک گدان آ بسّر و زوراکی ئٹ بیگواہ کننگوک بندغ آتا خاہوت آتون اواری نا درشانی کریر۔
وی بی ایم پی نا وائس چیئرمین ماما قدیر بلوچ اوفتون تران کرسہ پارے کہ بلوچستان ئٹی زوراکی نا بیگواہی و بیگواہ کننگوک بندغ آتا جون تِہ خسّنگ نا چرجوئی برجاء ءِ۔ اینخو نا سال ہرا چھٹنگ ئٹی ءِ خدو نا سال آن گیشتر خراب اس و ہڑدے بلوچستان ئٹی بندغی حق آتا لتاڑ گیشتر مننگ ئٹی ءِ۔
او پارے کہ بلوچستان حکومت نا دعوی غاک شائست اسلام آباد ئٹی میڈیا و اُلس ئے ریفنگ کیر ولے دا دعوی غاک بلوچ راج ئے ریفنگ کپسہ و نہ کہ دا دروغ ئنا دعوی غا تیان راستی بدل مننگ کرو۔
