اینو شال ئٹی ظریف بلوچ ئے بے قانودی کھسفنگ و زُبیر بلوچ نا زوراکی ئٹ بیگواہی نا برخلاف بی وائے سی نا پارہ غان برانز اڈ تننگا۔
برانز ئٹی بی وائے سی نا باسک آک، لس مخلوق و شال ئنا جتا فکری تپہ غا تیان تعلقداری تخوکا بندغ آک بھلو کّچ ئسیٹی بخش ہلکر۔
برانزی تتون بی وائی سی نا راہشون ڈاکٹر ماہ رنگ بلوچ، صبغت اللہ بلوچ، و بیگواہ کننگوک بندغ آتا خاہوت آک ہیت کریر۔
ہیت کروک آک دا تدینی تِہ شیف خلکُر و پاریر کہ ظریف بلوچ ئے کھسفنگ نا ویل ننا چاگڑد ئٹی تالان مروک بے حسی ئے درشان کیک، ہرادے ایسر کننگ ننا فرض ءِ۔
بی اوئی سی نا راہشونک خاص دا ہیت آ زور تِسُر کہ پین چُپی بندغی ساہ تیکن خطرہ ثابت مرو۔
خیال ئٹ مرے زوراکی ئٹ بیگواہ کننگوک زبیر بلوچ اینو آجو کننگانے اندن ظریف بلوچ نا خاہوت نا کنڈ آن تربت ئٹ برانز برجاء ءِ ہرا پاکستانی لشکر نا دو آن ظریف بلوچ نا بیگواہی و پدان کھسفنگ بٹنگ نا برخلاف برانز بناء کرینو۔
