بلوچ یکجہتی کمیٹی نا پارہ غان تربت و حب ئٹ برانز کروک آتون اواری نا درشانی کن اینو کوئٹہ ٹی برانز نا پڑو کننگانے۔
بی وائے سی نا بیان ئٹ پاننگانے کہ بلوچ یکجہتی کمیٹی شال ہنکین نا پارہ غان تربت ئٹ برانز کروک شہید ظریف نا خاہوت و حب چوکی ٹی برانز کروک زبیر بلوچ نا خاہوت تون اواری نا درشانی کن اینو دیگر نا وختا بلوچستان یونیورسٹی نا مونا برانز کننگو۔
بیان ئٹ ودیک پاننگا کہ ریاستی سیکورٹی ادارہ غاک حب و تربت ئٹ برجاء برانز آتِہ ایسر کننگ نا دڑکو و پین چم کاریم ئٹ ہتنگ ءُ۔ بلوچ الس تینا ایڑ لمّہ غا تا رکھ کن کسر تیا پیشتمانے۔
بی وائے سی نا بیان ئٹ پاننگا کہ نن کوئٹہ نا الس آن خواست کینہ کہ اینو ویگہ نا 4 بجہ غا بلوچستان یونیورسٹی نا مون آن کشنگوک برانز ئٹ اوار مرِسہ شہید ظریف بلوچ و زبیر بلوچ نا خاہوت تون اواری و ہم کوپئی نا درشانی کیر۔
