مستونگ نا علاقہ اسپلنجی ٹی درو آن لشکر کشی ٹی آختہ پاکستانی لشکر نا کارندہ غا تیا سلاہ بند بندغاک جلہو کرینو۔
جہی حوال تروک ئسے نا رِد ئٹ اینو سُہب ئنا پاکستانی لشکر آ سلاہ بند بندغاک ہموتم جلہو کریر ہراتم او مرو نا خُڑک آن ہننگ اسر، جلہو نا وخت آ تُرند سُم کاری و تراک آتہ توار مُر آن بِننگ مسکہ۔
انتظامیہ دا بارو ئٹ دائسکان ہچو شابیت حوال تِتنے۔
اسپلنجی و ہیب ئہ کھیب ئنا علاقہ غا تیٹی سلاہ بند آجوئی دوست تنظیم آک دنو کاروائی کیرہ، اوفک پاکستانی لشکر آ جلہو کیرہ ولے دا جلہو نا زمہ واری ئے دائسکان ہچو تنظیم ئس ارفتنے۔
