تربت نا علاقہ آبسر بلوچی بازار ئٹ پاکستانی لشکر نا کیمپ ئے نادُرست آ سلاہ بند بندغ آک ٹِک کرینو۔
شابیتی حوال تا رِد ئٹ نادُرست آ سلاہ بند بندغ آک اینو تربت آبسر بلوچی بازار ئٹ پاکستانی لشکر نا کیمپ آ جلہو کرینو۔
جہی بندغ آتا پاننگ ءِ کہ جلہو نا وخت تُرند سُم کاری و تراک آتا توار مسُنے، جلہو آن پد پاکستانی لشکر نا کُنڈ آن سرویلنس ڈرون ہم بال تننگانے۔
جلہو کروک آک نرِنگ ئٹ سرسوب مسُنو، جلہو ئٹی پاکستانی لشکر ئے نُسخان رسینگ نا حوال ہم ارے۔
یات مرے کہ دا علاقہ غا تیٹی بلوچ آجوئی دوست تنظیم آک دنو کاروائی کیرہ ولے دا جلہو نا زمہ واری ئے دائسکان ہچو تنظیم ئس ہرفتنے۔
