بلوچستان لبریشن فرنٹ نا جارکش میجر گہرام بلوچ میڈیا غا شنگ کروک تینا درشان ئٹی پارینے کہ سرمچارک 28 دسمبر ہفتہ نا دے ہشت نیم ئنا وخت آ کیچ ئنا جہہ تمپ، ملانٹ ئٹ ساڑی کوزہ گیر پاکستانی لشکر آ جلہو کریر۔ جلہو ئٹ کبین و پوسکن آ سلاہ تِہ کارمرز کننگا ہرانا سوب آن دژمن لشکر نا اِرا کارندہ ٹپی مسُر۔
او پارے کہ باء تروک دشمن ہر جلہو آن پد الس ئے ٹک کرِسہ تینا بندغ آتا موارل ئے ہتنگ نا کوشست کیک ولے دیہاڑ نا پنّو آ تیٹ دا ہیت پھاش ءِ کہ جہان نا ہچو کوزہ گیر ریاست ئسے افتاد گان خاک ہر جہہ آ شکست تننگانے و ننے یخین ءِ کہ زوت یا ہُرے آ کوزہ گیر پاکستانی لشکر بلوچستان آن پیشتمنگ آ بیوس مرو۔
او ایسر ئٹ پارے کہ بلوچستان لبریشن فرنٹ دا جلہو نا زمہ واری ئے ہرفک و سرزمین نا آجوئی اسکان کوزہ گیر پاکستانی لشکر ئے ٹک کرِسہ کرون۔
