بلوچستان لبریشن فرنٹ نا جارکش میجر گہرام بلوچ میڈیا ٹی شنگ کروک تینا درشان ئٹی پارینے کہ سرمچارک کیچ ئنا جہہ مند ئٹی سلاہ بٹوک سرمچار و ڈیتھ اسکواڈ نا کارندہ مسلم ولد نذیر و پنجگور ئٹ اسہ پین ریاستی ایجنٹ، رازق ولد مولا بخش ئے خلکنو۔
او پارے کہ بیست و چھار دسمبر نا شام ہفت بجہ غا پَنجگُور نا جہہ سرادوک ئٹ سُمکاری کرِسہ ریاستی ایجنٹ رازق ولد مولا بخش ئے خلکُن۔ ہندا بندغ راجی ڈوہدار و سلاہ بٹوک سرمچار کلیم اللہ ولد مستری محمد جان نا بھلُنی ٹی کاریم کننگ اسک و مَشی ہند آ تیٹ جہی مننگ نا سوب آن ہِن ئہ بر نا کسر تا تیبہ چاہنداری تخاکہ۔
میجر گہرام پارے کہ او 2015 ئٹ پَنجگُور نا جہہ سمنج ئٹ اکرام و 2021 ئٹ بی ایل ایف نا سرمچار شہید ناصر عرف صوفی و شہید عادل عرف کمبر ئے شہید کرفنگ ئٹ پاکستانی لشکر ئے کمک تِسس۔
اونا پاننگ اس کہ تنظیم اونا باوہ و ایلم ئے ڈوہدار نا کُل کاریم تا پارے داڑان ویتہ ہم او جُوان متو۔ تنظیم اونا ایلو سنگت آتا ہم تیبہ شابیت آتِہ مُچ کرینے زوت اوفتِہ ہم اوفتا ڈوہ ئنا سزا تننگ مرو۔
اونا ودیک پاننگ اس کہ اَسہ پین جلہو ئسیٹ سرمچارک 26 دسمبر 2025 آ کیچ ئنا جہہ مند، کہنک ئٹ سُمکاری کرِسہ سرکاری مُختفی ٹی کاریم کروک جہی ڈیتھ اسکواڈ نا کارندہ و سرنڈر کروک سرمچار مسلم ولد نذیر ئے خَلکر۔
جارکش پارے کہ مسلم نذیر کہنک مند ئنا جہی، 2019 ئٹ پاکستانی لشکر نا مونا سرینڈر کریسس، پاکستانی لشکر نا مونا سرنڈر مَننگ آن پد چُپی نا جاگہ غا پھاش پاکستانی لشکر تون اوار مرِسہ بلوچ فرزند آتِہ شہید و زوراکی ئٹ بیگواہ کننگ تون اوار چاگڑدی گندئی تیٹ اوار مس۔
او پارے کہ راجی ڈوہدار ئے کیہی وار خبڑدار کنگاسس کہ او بلوچ آجوئی دوست آتا برخلاف دہنا کاریم تیان مُر مرے ولے پدا ہم او تینا کاریم تہ یلہ کتو۔ بلوچ جہدکار آتا خاہوت آتِہ پاکستانی لشکر نا دو آن زوراکی ئٹ بیگواہ کرفنگ ٹی براہ راست اوار مسنے۔
اونا پاننگ اس کہ سلاہ بِٹوک سرمچار نذیر نا مار مسلم مند ئنا جتا علاقہ غا تیٹی کوزہ گیر پاکستانی لشکر کِن کاریم کنگٹی مسنے، دا ہند آتیٹی دشمن لشکر پھاش دا ٹولی ئے بلوچ جہد کار آتا برخلاف سلاہ بند کرینے و اوفتِہ نسُخان تننگ تون اوار چاگڑدی گندئی، دوزی، بے میار آتِہ زور ئٹ ٹیکس ہلنگ نا اجازت تسنے۔
او ودیک پارے کہ سرمچارک اونا موبائل و ایلو سامان تِہ دوئی کرینو، ہندن آفتاب کُمک ئٹ اوڑتون کاریم کروک ڈیٹھ اسکواڈ نا کارندہ غا تا پِن و جاگہ غاک چائنگ مسُنو۔ دا ٹولی ٹی پاکستانی لشکر نا مونا سلاہ چغل تروک آتون اوار ایلو بندغ آتا پِنک ہم چائنگ مسُنو، اوفتا بابت ئٹ تنظیم نا اینٹیلیجنس ٹیم کاریم کننگ ءِ۔ زوت اوفتان اوفتا کروک آتا حساب ہلنگ مرو۔
میجر گہرام بلوچ پارے بی ایل ایف تومکا ریاستی کارندہ غا تِہ خلنگ نا زمہ واری تِہ ارفِک و غٹ ڈیتھ اسکواڈ و مخبر آتِہ تنبیہ کیک کہ او تینا کاریم ئے یلہ کیر اگہ نہ اوفتِہ راجی غدار تا حساب ئٹ ہُننگ مرو۔
او ایسر ئٹ پارے کہ نن اُلس آن ہم خواست کینہ کہ او مش تیٹ شکار و پکنک آن پہریز کیر انتئے کہ ریاست تینا کارندہ غا تِہ لس بندغ آتا دروشم ئٹ مونا ہتِسہ سرمچار آتا مخبری ئے کرفک۔ ہندا سوب آن مشی آ علاقہ غا تیٹی بننگ آن پہریز کیر، اگہ نہ تینا جان و مال ئنا زمہ وار تینٹ مرور۔
