دشت: نادُرست آ بندغ آک پاکستانی لشکر نا قافلہ ئے بمب جلہو ئٹی ٹک کرینو۔
حوال تروک آتا رد ئٹ پیشن ڈیہہ تیان چرز ئنا شکار کن بروکا عرب شیخ آتِہ رکھوک پاکستانی لشکر نا قافلہ ئے سلاہ بند بندغ آک کھڈ کروک شورہ تیٹ ٹک کرینو۔
حوال تا رد ئٹ جلہو ئٹی پاکستانی لشکر نا اِرا کارندہ نائیک زمان و لانس نائیک عمر ظہور خلنگانو و نائیک نہیم، سپاہی جاوید، سپاہی امین، سپاہی وحید ٹپی مسنو۔
خلنگ مروکا کارندہ غا تا جون و ٹپی مروکا کارندہ غا تہ اسپتال آ سر کننگانے۔ جلہو نا زمہ واری ئے دائسکان ہچو تنظیم ئس ہرفتنے۔
