ضلع مستونگ نا جہی حوالکار نیاز بلوچ آ پولیس نا بیدادی نا برخلاف بنجائی کسر بند کننگانے۔
شابیتی حوال تا رد ئٹ صحافی نیاز بلوچ پولیس نا کنڈ آن چُنکا اُلاخ آتیان زور ئٹ بھتی ہلنگ نا پیدواری ئے کریسس ہراڑا پولیس اودے بیدادی نا گواچی کرینے۔
پن کروک صحافی آ بیدادی نا برخلاف بلوچستان ئٹی بے روزگار یونین و زمیاد یونین کوئٹہ کراچی بھلا کسرئے ہندی ہوٹل نا جہہ آ برانز کرسا، ہر وڑ ئنا ہن ئہ بر کن بند کرینو۔
کسر بند مننگ نا سوب آن ہڑتُما کنڈ آن اُلاخ آتا مرغن قطار لگانے۔
خیال ئٹ مرے کہ درو پولیس فورس حوالکار آ سخت بیدادی کریسس و اونا موبائل ئے پُھلاسس و اودے تنگ کرسا زور ئٹ اونا ویڈیو تِہ ڈلیٹ کننگاسس۔
