سلاہ بند بندغ آک پاکستانی لشکر نا کارندہ غا تیا سخت جلہو کریر ہرا علاقہ ٹی لشکر کشی کن بسوسر، جانی نسخان تا حوال ہم ارے۔
حوال تا رد ئٹ خاران نا علاقہ ہُراو نا خُڑک پاکستانی لشکر نا کاروان علاقہ ٹی لشکر کشی کن بسس ہرادے سلاہ بند بندغ آک جلہو ئٹ ٹک کرینو۔
حوال تروکا تا رد ئٹ پاکستانی لشکر نا کاروان ئے اسہ اُرا ئسے نا خُڑک آ جلہو نا گواچی کننگانے و سلاہ بند بندغ آک مُست آن سنگر ہلوک مسنو و کاروان نا خُڑک سر مننگ آ اوڑا جلہو کرینو۔
علاقہ ٹی سخت سمکاری و تراک آتا توار بننگ مسنے ہرا بھاز ہرے ئسکان برجاء مسنو و جلہو آن گڈ تیبہ علاقہ ٹی ہیلی کاپٹر آک چرخ کننگ ءُ۔
حوال تروکا تا رد ئٹ پاکستانی لشکر ئے بھلو کچ ئسیٹی جانی نسخان مسنے ولے کوالخواہ تا پارہ غان دا جلہو نا بارو ئٹ ہچو تران متنے و جانی نسخان تا کچ ئنا بارو ئٹ ہم حوال مونا بتنے۔
جلہو نا ذمہ واری ئے دائسکان ہچو گل ئس ہرفتنے۔
