بلوچستان نا تعلیمی ادارہ آتا ملٹرائزیشن، بلوچ خوانندہ آتا ریاستی کریک ڈاؤن و بولان میڈیکل کالج نا بندی نا برخلاف برانز اینو پازدمیکو دے ہم برجاء۔
برانز گدان آن اینو اسِہ ریلی ئس اڈ کھشنگا، ریلی ٹی خوانندہ و بولان میڈیکل نا خوانندہ آک بخش ہلِسہ، خوانند تنظیم آتا نمائندہ آک تران کریر۔
کوئٹہ نا یخ ئٹ پازدہ دے یخ ئٹ گدریفنگ آن پد ہم دائسکان صوبائی حکومت و کالج انتظامیہ نا نیمغان خوانندہ آتا خواست آتے بِننگ متنے۔
برانز کروک آتا پاننگءِ کہ ریاستی تنگ نظری نا اندازہ کبو کہ اسِہ نیمغان برانز برجاء ءِ ایلو نیمغان بلوچستان نا ایلو تعلیمی ادارہ آتے ہم بند کننگءُ، داسا ہم بلوچستان یونیورسٹی نا ہاسٹل آتے سیل کننگءُ ولے ایلو نیمغان بلوچ خوانندہ آتا کریک ڈاؤن و زوراکی ئٹ بیگواہی تا تدینیک دے پہ دے تیز مننگءُ۔
اوفتا پاننگ اسک کہ دا برانز گدان ئٹ نن تیوغا بلوچستان نا اُلس،خوانندہ،سیاسی باسک آتے کلوہ تِننگ خواہینا کہ بلوچستان نا تعلیمی ادارہ آتا ملٹرئزیشن،تعلیمی ادارہ و ہاسٹل آتا بندی ریاست نا پوہ و سرپد ءُ پالیسی ئسے۔
