حوال آتا رد ئٹ خضدار ئٹی نادُرست سلاہ بند بندغ آک سُمکاری کرسا لیویز رسالدار حفیظ کرد ئے خلکُر۔
پولیس تدینی ئے پک کرسا پارے کہ جلہوکار آک اونا اُلاخ ئے نشانہ کریر۔
ایلو نیمغا خاران نا ہند گواش ٹوہ ملک ایریا ٹی نادُرست سلاہ بند بندغ آتا سُمکاری ٹی لیویز ملازم سخت ٹپی مس۔
بلوچستان نا دریائی ہند گوادر ئٹی پاکستانی لشکر نا کارندہ تے جلہو ئٹی نشانہ کننگا۔
جلہو اینو سہب ئنا دہ بجہ نا وخت گوادر نا ہند دڑامب ئٹی اکاڈہ نا ٹک آ کننگانے۔جلہو ہمو وخت کننگا وختس کارندہ آک قافلہ ئے سیکیورٹی تننگ کن مورچہ تا نیمغا ہننگ اسُر۔
ضلع کیچ ئٹی نادُرست سلاہ بند بندغ آک ٹیلر تے نشانہ کریر و ہندا وخت پاکستانی لشکر ئے دیر تروکا ٹینکرئے ہم خلکُر۔
ٹیلر و ٹینکرئے تمپ ہوت آباد نا ٹک آ نشانہ کننگانے۔
حوال تروک آتا رد ئٹ جلہو ئٹی لاری تے نسخان مسونے و جلہو تا زمہ واری ئے دائسکان ہچ تنظیم ئس ہرفتنے۔
