بلوچستان نا ضلع پنجگور آن سرکاری مخ تفی ٹی کاریم کروک سلاہ بند ٹولی ڈیتھ سکواڈ نا دو آن اسہ بندغ ئس زوراکی ئٹ بیگواہ کننگانے۔
شابیتی حوال تا رد ئٹ پنجگور نا تحصیل پروم دز گومازی نا جہہ آن صرف گاڑی ٹی سوار سلاہ بند بندغ آک طاہر نا مار فدا ئے اسہ باغ ئسے آن زوراکی ئٹ بیگواہ کرینو۔
جہی حوال تا رد ئٹ پن کروک بندغ دا باغ ئٹ مزوری کننگ اس کہ ہمو وخت سلاہ بند بندغ آک اودے بیگواہ کریر۔
جہی بندغ آتا پاننگ ءِ کہ بیگواہ کروک آتا تعلقداری سرکاری مخ تفی ٹی کاریم کروک سلاہ بند ٹولی ڈیتھ سکواڈ آن ءِ۔
