بلوچستان لبریشن فرنٹ نا جارکش میجر گہرام بلوچ میڈیا ٹی شنگ کروک تینا درشان ئٹ پارینے کہ سرمچارک شال ئٹ پاکستانی لشکر نا اَسہ چوکی ئسے چغلی بمب جلہو ئسیٹ ٹک کریر۔
او پارے کہ 6 دسمبر جمعہ نا شام ہفت بجہ غا سرمچارک بلوچستان نا بنجائی شار کوئٹہ نا جاگہ بروری بائی پاس آ کوزہ گیر پاکستانی لشکر ایف سی نا اَسہ چیک پوسٹ ئسے آ چغلی بمب جلہو ئس کریر۔ جلہو نا سوب آن پاکستانی لشکر ئے جانی و مالی نسخان تون مون تروئی تما۔
جلہو آن پد پاکستانی لشکر ہمو جہہ ئے گھیرہ کرسا پٹنگ بناء کرے و اُلس ئے خُلیفے، واہم سرمچارک تینا رکھوک جاگہ غا سر مسُر۔
جارکش ایسر ئٹ پارے کہ بی ایل ایف دا جلہو نا زمہ واری ئے ہرفک و بلوچستان نا آجوئی اِسکان دشمن لشکر آ ننا جلہوک برجاء مرور۔
