بلوچستان نا ضلع پنجگور آن پاکستانی لشکر اسہ بندغ ئس دزگیر کننگ آن گڈ بیگواہ کرینے اندن ڈیرہ بگٹی آن بیگواہ کننگوک بندغ ئس آجو مرسا اُراغا سر مسنے۔
شابیتی حوال تا رد ئٹ تدوکا دے تیٹ پنجگور نا علاقہ پروم ئٹی پاکستانی لشکر چھاپہ خلِسہ چھار ورنا دزگیر کرسا بیگواہ کریسس۔ واہم پدان پاکستانی لشکر ضمانت کن صدیق نا مار امان اللہ ئے خواہفے ہراکان گڈ پاکستانی لشکر امان اللہ ئے ہم دزگیر کرسا بیگواہ کرینے۔
ایلو کنڈ آن ڈیرہ بگٹی آن حوال رسینگانے کہ برجاء سال 14 مئی آ سوئی آن پاکستانی لشکر نا دو آن زوراکی ئٹ بیگواہ کننگوک دلشاد آجو مسنے۔
