بلوچستان نا ضلع قلات آن پاکستانی لشکر مُسہ ایلم دزگیر کننگ آن پد بیگواہ کرینے۔ خاہوت زوراکی ئٹ بیگواہی نا برخلاف برانز کرسا کراچی کوئٹہ بنجائی کسر ئے بند کرینے۔
شابیتی حوال تا رد ئٹ درو نن ئنا سئے بجہ غا پاکستانی لشکر قلات نا ہند منگچر ئٹ چھاپہ خلِسہ مُسہ بندغ دزگیر کرسا بیگواہ کرینے۔
بیگواہ کننگوک ایلم تا چاہنداری اسماعیل لانگو نا مار مرید احمد، ارشاد احمد و محبوب احمد نا پن تیٹ مسنے۔
اوفتا خاہوت ہر مُسہ ایلم نا زوراکی ئٹ بیگواہی نا برخلاف برانز کرسا کراچی کوئٹہ کسر ئے منگچر نا ہند آ ہر وڑ ئنا ہِن ئہ بَر کن بند کرینے۔
خاہوت نا خواست ءِ کہ اوفتا بںدغ آتِہ آجو کننگ مرے، نہ تو برانز برجاء مرو۔
