بلوچستان نا علاقہ چمن تون اوار کیہی جہہ تیٹی بھلو کچ ئسیٹ چُناک سوہرُک نا ناجوڑی آن زیمی مسنو۔
ایمرجنسی رسپانس ٹیم ئنا سروک علی اچکوئی پارے کہ سوہرُک آن زیمی مروکا علاقہ تیٹی کُمکی ٹولیک سر مسنو۔
او پارے کہ زیمی مروکا چُنا تِہ جانجوڑی کمک تننگ کن فری میڈیکل کیمپ اڈ تننگانے۔
علی اچکوئی نا پاننگ ءِ کہ روغانی ون و ٹو ئٹی چھار چُنا سوہرُک نا ناجوڑی آن کھسکنو۔ او پارے کہ زیمی مروکا چُنا تا لمّہ باوہ غاک رکھیفوک ٹیکہ خلنگ آن نمن مسنو۔
