بلوچستان نا ضلع کیچ ئنا علاقہ بلیدہ آن اسہ بندغ ئسے نا جون خننگانے۔
شابیتی حوال تا رد ئٹ ضلع کیچ ئنا علاقہ بلیدہ ٹی اینو سہب ئنا جنتری جھل آن اسہ بندغ ئسے نا جون خننگانے۔
خننگوکا جون حنیف نا مار نوید نا پن ئٹ درست مسنے ہرا گلی بلیدہ نا جہی ئس ءِ۔
خڑک ئنا حوال تروکا تا رد ئٹ کھسفنگوکا بندغ استو ننکان تینا گاڑی ٹی اُراغان پیشتماسس و نن نیمہ اسکان اُراغا بتویسس۔
اینو سہب ئنا اونا جون جنتری جھل آن خننگانے ولے دائسکان تدینی نا سوب سما تمتنے۔
