بلوچستان نا ضلع کیچ آن پاکستانی لشکر چھار بندغ دزگیر کننگ آن گڈ بیگواہ کرینے۔
شابیتی حوال تا رد ئٹ دشت ئنا علاقہ شولیگ ئٹی ننکان یک بجہ نا وخت آ پاکستانی لشکر چھاپہ خلِسہ چھار بندغ دزگیر کرینے و بے ڈسو جہہ ئسے آ درینے۔
دزگیری آن گڈ بیگواہ کننگوک بندغ آک حاجی حاصل و حاجی حاصل نا مار عبدالسلام، عبداللہ نا مار یاسر و قادر بخش نا مار سالم نا پن تیٹ درست مسنو۔
حوال تروک آتا رد ئٹ پاکستانی لشکر چھاپہ نا وختا اُرا تا دروازہ غا تِہ پرغِسہ اُراٹی پیہا و اوفتے بیدادی نا گواچی کرسا تینتو درے ہراکان گڈ اوفتا ہچ ڈس اف۔
