بلوچستان نا بنجائی شار کوئٹہ ٹی نادُرست آ بندغ آک پاکستانی لشکر نا اسہ چیک پوسٹ ئسے آ جلہو کریر۔
حوال تروک آتا رد ئٹ کوئٹہ نا ہند بروری بائی پاس آ پاکستانی لشکر نا اسہ چیک پوسٹ ئسے آ نادُرست آ بندغ آک چغلی بمب جلہو ئس کریر ہرا بھلو تراک ئسیٹ ترخا۔ تدینی آن پد لشکر خُڑک ئنا ہند آتا کسر تِہ تفِسہ مُستی چیکنگ بناء کرینے۔
ایلو پارہ غا دکی ٹی سردار عثمان ترین کول مائنز ایریا نا خُڑک پاکستانی لشکر ایف سی نا چوکی ئے سلاہ بند بندغ آک جلہو ئٹی ٹک کریر۔
لیویز نا رد ئٹ جلہو ئٹی اسہ لشکری کارندہ ئس خلنگانے و اسٹ ٹپی مسنے۔
لیویز نا رد ئٹ خلنگ مروکا پوسٹ ایف سی تون لیویز ہم تعینات ءِ۔ تدینی آن پد ہند ئٹی پاکستانی لشکر نا بھلو کچ ئس مُچ مرسا سخت چیکنگ کننگ ءِ۔
