بلوچستان نا دریائی شہر گوادر و پسنی آن پاکستانی لشکر ارا بندغ آتے دزگیر کرسا بیگواہ کرے۔
بیگواہ مروکا بندغ تا پجار منور ولد قرار و ذکریا ولد اللہ بخش نا پِن ئٹ مسُنے۔
بیگواہ کننگوک منورئے درو شام ئنا پاکستانی لشکر پسنی نا ہند ببر شور ئٹی چھاپہ خلیسہ دزگیر کرینے۔
ذکریا ئے تدوکا دے تیٹ شام ئنا وخت گوادر نا ہند گٹی ڈھور آن دزگیر کننگا اوکان پد ہر تومکا تا بابت ئٹ حوال اف کہ ارانگءُ و ارا حالیت ئٹیءُ۔
ایلو نیمہ غا خضدار نال نا ہند کوڑاسک لشکری کیمپ آن ہندا سال 10 اکتوبر آ بیگواہ مروکا مسلم ولد اختر پنی آ بندغ بسیمہ آن آجو مسُنے۔
3 جنوری 2024 آ عیسیٰ نگری بروری کسر کوئٹہ آن زوراکی ئٹ بیگواہ مروکا امام جان ولد صوالی سکنہ ہوشاپ، ہرا بی ایم سی اسپتال ئٹ نرسنگ میل آفسر ئسے، آجو مرسا اُرا ئے سر مسنے۔
