ڈیرہ بگٹی آن حوالءِ ہنوکا دے پاکستانی لشکر و ڈکھکوک ادارہ تا کارندہ آک سیاہ آف ئٹی پٹوخ نا ہند ئٹی کیہی اُراتا چھاپہ خلکُر۔
ہندی بندغ آک پاریر کہ لشکر کشی نا وخت اُراتا چھاپہ ٹی لُٹ و پل و اِرا بندغ آتے زوراکی ئٹ بیگواہ کریر۔
ہندی بندغ آک پاریر کہ لشکری کارندہ آتا دو آن زوراکی ئٹ بیگواہ مروکا بندغ آک کرمانزی شاخ ئناءُ ہرافتا پجار جواھو ولد بری بگٹی، جونا ولد نوکاف بگٹی نا پن تیٹ مسونے۔
ایلو نیمغا استو سوئی نا ہند گرانی محلہ ٹی لشکری کارندہ آک چھاپہ خلیسہ سکندر ولد عجب خان بگٹی ئے زوراکی ئٹ بیگواہ کریر۔
ہندی بندغ آک پاریر کہ وزیر اعلی سرفراز بگٹی نا داسا نا سوئی ٹی دورہ آن پد زوراکی ئٹ بیگواہی تا سلسلہ تیز کننگانے و سرکاری مُختفی آ لشکرتے پین سلاہ تننگ مسونے۔
