بولان میڈیکل کالج ( بی ایم سی) نا بندی و ہاسٹل تیا پولیس کوزہ نا برخلاف بلوچستان خوانندہ تنظیم آک کالج نا بنجائی در ئنا مون آ اسہ برانزی گدان ئسینا بناء کرینو۔
خوانندہ آتا پاننگءِ کہ برانزی گدان کالج و ہاسٹل نا دوارہ ملنگ اسکان برجاء مرو۔
خوانندہ اتحاد آتا نیمہ غان اڈ مروکا دا برانز ئٹ بھلو کچ ئسیٹ خوانندہ آک اوارءُ، ارا پولیس نا خوانندہ غاتیا بیدادی و تعلیمی سرگرمی تا بند کننگ ئے سخت تنقید نا نشانہ کریر۔
خوانندہ راہشونک پاریر کہ پولیس بیدس سوب آن ہاسٹل آ بس، خوانندہ تے دزگیر کرے و تعلیمی ماحول ئے خراب کننگ نا کوشست کرے۔
برانزی گدان خواست آتیٹ دزگیر خوانندہ غاتا زوت آجوئی، کالج و ہاسٹل آتے دوارہ ملنگ، تدینی ٹی اوار پولیس و کالج انتظامیہ نا برخلاف کاروائی کننگ نا خواست کریر۔
خوانندہ تنظیم آک پولیس کاروائی ئے بلوچ و پشتون خوانندہ غاتا نیامٹ اختلاف ودی کننگ نا سازش پارینو و پارینو کہ دا عمل تعلیمی ادارہ تے عسکری مسخت آتیکن کارمرز کننگ نا کوشستءِ۔خوانندہ راہشون تا پاننگ اسک کہ ” نن تعلیمی ادارہ تے امن و امان نا مرکز ہننگ خواہینہ، نہ کہ پولیس ن کاروائی میدان.”۔
یاتی مرے کہ تدوکا دے تیٹ بی ایم سی ہاسٹل آ پولیس خوانندہ غاتے دزگیر کریسس و کیہی خوانندہ غاک ٹپی و بے ہوش مس اسُر۔
خوانندہ تنظیم آک خبردار کرینو کہ اگہ دا خواست آک پورو کننگتوس گڑا برانز ئے ودیفون، و تیوغہ صوبہ ٹی برانز مرو۔
