کیچ: تربت ئٹی پاکستانی لشکر آ سُمکاری ٹی ورناس بیران۔
حوال تا رد ئٹ استو شام ئنا نادُرست بندغ آک تربت ئٹی تعلیمی چوک آ پاکستانی لشکر آ دستی بمب جلہو ئس کریر کہ جلہو آن پد پاکستانی لشکر نا سُمکاری ٹی اسرار راشد ڈنک نا ہندی ٹپی مس۔
پاکستانی لشکر اسرارئے علاج کن اسپتال آ درے ولے اسپتال انتظامیہ نا رد ئٹ پاکستانی لشکر اسرار نا علاج کن ایلیتنے و پدا ٹپی حالیت ئٹی ہرفسا تینا کیمپ آ ہنانے۔
اسرار نا خاہوت نا پاننگءِ کہ استو شام ئنا یک بجہ آ پولیس ننے حوال کرینے کہ نُما بندغ نا لاش سرکاری اسپتال آ تخوکے ببو تینا لاش ئے دوئی کبو۔
وختس خاہوت لاش ئنا دوئی کننگ کن ہنانے گُڑا ننے کاغذ ئس تننگ مسونے کہ دادے دستخط کبو و تینا لاش ئے دبو۔
