بلوچ اسٹوڈنٹس ایکشن کمیٹی نا بنجاہی جارکش میڈیا ٹی مختصر درشان ئس شنگ کرسا پارے کہ اِرا دے ای فیسٹیول، صباء لٹریری فیسٹیول 30 نومبر و یک دسمبر آ تربت عطا شاد ڈگری کالج ٹی اڈ تننگ مرو۔
جارکش مُستی پارے کہ صباء لٹریری فیسٹیول تنظیم نا میگا پروگرام ئسے ہرا تِدوکا کیہی سال آتیان بلوچستان نا جتا آ شار آتیٹی اڈ مننگءِ، داٹی بلوچ سیاست، ادب، تاریخ شہید صباء دشتیاری نا زِند و ایلو سرحال تا سیگمنٹ اوار ءُ۔ ہندا وڑ صباء لٹریری فیسٹیول کیچ 30 نومبر تاں یک دسمبر اسکان عطا شاد ڈگری کالج ئٹ اڈ تننگءُ ہراٹی جتاء آ سرحال تا تران مرو جتا جتا انگا تاریخ دان، نوشتہ کروک، سیاسی باسک آتون اوار ایلو شخصیات آک بخش ہلور۔
