قلات ئٹی اسہ پین بمب تراک ئسیٹی پاکستانی لشکرئے نشانہ کننگانے۔
قلات نا ہند ہربوئی ٹی اینو سہب ئنا تراک ئنا جاگہ آ بروکا پاکستانی لشکر نا لاری ئے نادُرست بندغ آک تراک ئٹی نشانہ کریر۔
حوال تا رد ئٹ تراک ئٹی لشکرئے جانی و مالی نسخان ہرفوئی تمانے۔
ہندی حوال رد ئٹ ہند ئٹی ہیلی کاپٹر آتا ہن و بر خننگانے۔
چائنگ مرے کہ اینو سہب ئنا پاکستانی لشکر نا کارندہ تے ہمو وخت تراک ئٹی نشانہ کننگا وختس اوفک آپریشن کن ہند ئٹی مونی ہننگ اسُر۔
دائسکان جلہو تا زمہ واری تے ہچ تنظیم ئس ہرفتنے۔
