فوجی میجر نا پاننگ آ کارندہ آک ماہیگیر آتا کشی آ جلہو کریر، اسہ ماہگیر ئس ٹپی
پاکستانی کوسٹ گارڈ نا دو آن گوادر ئٹی بلوچ ماہیگیر کوش ئنا تدینی، بلوچ نیشنل موومنٹ نا ادارہ پانک ئنا رد ئٹ پاکستانی کوسٹ گارڈ نا جلہو ئٹی گوادر نا ہند جیوانی ٹی تولوک بلوچ ماہی گیر عبدالغفار بلوچ شہید و عبدالصدیق پنی آ ماہیگر ٹپی مس ہرا بنیات آن مشکے دارابند نا ہندیءُ کاریم کن گوادر آ تولوک اسُر۔
پانک ئنا رد ئٹ دا جلہو کوسٹ گارڈ میجر احمد نا پاننگ ئست کننگانے، ہراتی ماہی گیر آتا کشتی ئے لتاڑانو و اوفتا تشدد کننگانے ہرانا سوب آن اسہ ماہیگیر ئس ساہ تس۔
دا تدینی گوادر نا ہندی بندغ آتا دا خلیس آتے پین گیش کیک کہ ریاستی ادارہ آک، خاص وڑ ئٹ کوسٹ گارڈ ماہی گیر آتے نشانہ کننگءِ۔
ہندی ماہیگیر آتا رد ئٹ کوسٹ گارڈ بھاز ماہیگیر آتے تننگ کیرہ و مزاحمت کننگ آ اوفتے زوراکی ئٹ بیگواہ کننگک یا خلنگک۔
گوادر ہرا پاکستان و چین ئنا منصوبہ تا اہم مرکزءِ، اینو بنیاتی ضرورت دُن کہ صاف انگا دیر و روزگار کن ریاستی ادارہ تا ہروکو۔
او مُستی پارے کہ گوادر نا ہندی بندغ آک کیہی وار ہزار آتا کچ ئٹ برانز کرینو ولے حکومتی دعویٰ تا پد ہم جیڑہ آتا ہچو کسر ئس پیش تمنگ کتنے۔
