بلوچ نیشنل موومنٹ ( بی این ایم ) نا حوالکاری نا سیکریٹری قاضی داد محمد ایحان ایکس آ پاڑہ چنار تدینی ئے شیف خلِسہ پارے کہ دا پھاش زنک کُشی ئس ءِ، داٹی پاکستانی ریاست نا دو اوار ءِ۔
او پارے کہ فرقہ و مذہب نا بنیات آ قوم آتِہ بشخ کننگ نا سواد کوزہ گیر ریاست ئے رسینگک، پشتون قوم ئے سیوتی بکار ءِ۔
اونا پاننگ اس کہ دا تدینی آ ننا اُست ہسون ءِ، زیمی مروکا تون ای تعزیت کیوہ۔
او مُستی پارے کہ ہنوکا تُو ئٹ مستونگ بلوچستان ئٹی اندا وڑ معصوم آ چُنا تا دترک وہار اینو پاڑہ چنار ئٹی دتر چُر چُناتا بننگ آن دڑد و افسوس مس۔ دا چُناتا دتر چُر آ چیہانٹ اوفتا زندگی آن پُھر انگا خنک، و فطرت نا زیبا غا تخلیق نا مظہ، دتر چُر مونک بندغی نا وجود آ بھلو ٹپ ئس ءِ۔
