پبلک سروس کمیشن نا امتحان تا تیاری کروک خوانندہ ورنا پاکستانی لشکر نا دو آن زوراکی ئٹ بیگواہ کننگانے۔
استو ننکان 12 بجہ نا وختا کوئٹہ نا اے ون سٹی آن پاکستانی لشکر، سی ٹی ڈی و پولیس کارندہ غاک بہزاد دلاوری پنیئو ورنا سے زوراکی ئٹ بیگواہ کرینو۔
برکت دلاوری نا مار بہزاد دلاوری پنجگور نا علاقہ خدابادان نا جہی ئس ءِ۔ اودے داکان مہالو 30 نومبر 2021 آ ہم پنجگور آن زوراکی نا بیگواہی تا گواچی کننگاسس۔
حوال تروکا تا رد ئٹ پن کروک ورنا پبلک سروس کمیشن نا امتحان تا تیاری کننگ مسنے۔ کوالخواک دائسکان دا بارث ئٹ ہچو معلومداری تتنو۔
