شاہ زیب بلوچ نا جون ئے تننگ نا خواست، خاہوت و ہندی بندغ آتا شال ئٹی برانز۔
شاہ زیب بلوچ نا جون ئنا ہلنگ کن اونا خاہوت و ہندی بندغ آک کوئٹہ نا سول اسپتال نا مڑدہ خانہ نا مونا برانز آ تولوکءُ۔
خاہوت نا پاننگءِ کہ او کیہی دے آن تینا چُنا نا جون کن ہروک ءُ ولے پاکستانی کالخواک دائسکان جون ئے تننگ آن نمن ءُ۔
برانزیک کالخواہ تا رویہ ئےبے بندغی پاریر و دا ہم پاریر کہ اوفتا چُنا نا جون ئے دفن کننگ اوفتا بنداوی حقءِ۔ او خواست کریر کہ جون ئے زوت اوفتِہ تننگ مرے۔
یاتی مرے کہ بلوچستان ئٹی گیشر وخت آجوئی خواہوک آتا جون تِہ تننگ آ دنو ویل ئتون مون تروئی تمک، ہراڑا بندغی حق آتا باسک آک فریشانی نا درشانی کیرہ۔
