بلوچ لبریشن آرمی نا جارکش جیئند بلوچ میڈیا ٹی شنگ مروکو درشان ئٹی پارے کہ سرمچارآک 16 نومبر آ قلات نا ہند جوہان ئٹی کوزہ گیر پاکستانی لشکر نا بھلا کیمپ آ جلہو کریسہ دشمن لشکر نا کم آن کم 29 کارندہ تے خلکُر کیمپ ئے کوزہ کرسا دشمن نا سلاہ و گولہ بارود تے ہرفیر۔
بی ایل اے نا اولی دستہ ”فتح اسکواڈ “ نا سرمچارآک قلات شار آن 60 کلومیٹر مُر جوہان نا ہند شاہ مردان ئٹی 15 و 16 نومبر نا نیام ئنا شام کوزہ گیر پاکستانی لشکر نا 61 ونگ کیمپ ئے اسہ بھلو جلہو ئسیٹی ٹک کریر۔
بی ایل اے نا یونٹ فتح اسکواڈ شام ئنا 9:00 بجہ نا وخت آ مُسہ نیمہ غان دشمن نا بھلا کیمپ و ڈن ئنا سنگر تا جلہوئے بِناء کریر ، شام ئنا یک بجہ اسکان برجاء مروکا جلہو ئٹی فتح اسکواڈ کوزہ گیر لشکر نا مُسہ پیشن نا سنگر تا کوزہ کننگ آ سہبمند مَس و بھلا کیمپ ئنا رابطہ کٹ مننگ آ اوڑا جلہو کریر ۔
جلہو ئٹی دشمن لشکر نا کم آن کم 29 کارندہ خلنگا۔ کیہی لشکری کارندہ غاک تینا سلاہ تے بٹیسہ تہاری ئٹ تینا روایتی لغوری ئٹ نرار او مُسہ سنگر تے یلہ تِسُر، ہندا وخت آ دشمن لشکر نا دہ آن گیش کارندہ ٹپی مس۔ بلوچ سرمچارک بھلو کچ سیٹ دشمن لشکر نا سلاہ و گولہ تے کوزہ کریسہ بی ایل اے نا سلاہ نا ہنبار آ دریر۔
دشمن لشکر تون مون پہ مون جنگ آ بلوچ لبریشن آرمی فتح اسکواڈ نا سرمچار شاہ زیب ساتگزئی عرف گُرک دشمن لشکر تون جنگ تِریسہ شہید مس۔
شہید سنگت شاہ زیب ساتکزئی عرف گُرک باوہ نا پن امان اللہ ساتکزئی کوئٹہ نا ہند لیس ڈغاری نا ہندی ئس مسونے ۔ او 2018 غا بلوچ راجی آجوئی نا تحریک ئٹی اوار مس ۔ مشی محاذ آ بننگ آن مُست او کوئٹہ ٹی شاری گوریلا ئٹ تینا قومی فرض ئے کریسس ۔
سنگت شاہ زیب ساتکزئی عرف گُرک قلات نا محاذ آ کیہی وخت آ دشمن لشکرئے شکست تننگ ئٹی بھلو کڑد ئس ادا کرے ۔ او اسہ بھاز جفاکش،مخلص و ملنسار سنگت ئس مسونے۔ او خدا داد آ جنگی صلاحیت آتا مالک اسک ۔ خاص کر ایمبیوش ٹیکٹکس ئٹی او بھاز ماہر ئس اسک ۔ بلوچ لبریشن آرمی شہید سنگت شاہ زیب ساتکزئی ئے دروت ندر کیک۔
بلوچ لبریشن آرمی نا فتح اسکواڈ نا دا جلہو نا مسخت پورو کننگ آن پد تینا ہیڈکوارٹر آ سلامتی ئٹ سر مس۔
بلوچ لبریشن آرمی دشمن لشکر آ برجاء انگا تُروند و بھلا جلہو تا سلسلہ تخیسہ پین تیزی ہتو۔
