کیچ: بلوچستان نا ضلع کیچ نا ہند میتاب آن پاکستانی لشکر سخی داد نا مار وھاب و سخی داد نا مار سمیر میناز بلیدہ نا ہندی ئے زوراکی ئٹ بیگواہ کرے۔
خاہوت نا رِد ئٹ اوفتے شکار آ ہُننگ نا وخت آ بیگواہ کریر۔
خاہوت نا رِد ئٹ تومکا ورناک سیال ءُ۔ اوفتے لشکر اِرا دے مُست بیگواہ کریسس۔ وختس خاہوت نا بندغاک لشکر نا کیمپ آ اوفتا بابت ئٹ سوج کریر اوفتے پاننگا کہ نن اوفتے سول و جواب آن اوفتے یلہ کرون۔ ولے داسا پاننگ ءُ کہ ننے اوفتا بابت ئٹ ہچو ڈس ئس اف۔
یاتی مرے کہ سمیرئے داکان مُست لشکر زوراکی ئٹ بیگواہ کریسس۔
