بلوچ یکجہتی کمیٹی نا سربراہ و بندغی حق آتا باسک ڈاکٹر ماہ رنگ بلوچ سوشل میڈیا پلیٹ فارم ایکس آ کوئٹہ بی ایم سی گرلز ہاسٹل ئٹی پولیس نا تعیناتی و خوانندہ آتے تننگ کننگ آ رد عمل نا اظہار کرسا پارے کہ بولان میڈیکل کالج ئٹی پولیس خوانندہ تے زوراکی ئٹ ہاسٹل ئے خالی کننگ کن ہر وخت تنگ کننگءُ و اوفتے دزگیر کننگ نا تڑی تننگءُ۔
اونا پاننگ اسک کہ بلوچستان ئٹی تعلیمی ادارہ تے لشکری چھاونی تیٹی بدل کننگ نا سخت لوزاتیٹی مذمت کینہ۔
او پارے کہ بولان میڈیکل کالج ئٹی پولیس خوانندہ تے زور ئٹ ہاسٹل ئے خالی کننگ کن تنگ کننگءُ و اوفتے دزگیر کننگ نا تڑی تننگءُ۔
ڈاکٹر ماہ رنگ بلوچ نا پاننگ اسک کہ ہنوکا اِرا دے آن مار تا ہاسٹل ئے سیل کننگانے۔ بلوچستان ئٹی خوانندہ آک ہر وخت تشدد نا گواچیءُ۔ اسہ نیمہ ئس بلوچستان ئٹی خوانندہ تا زوراکی ئٹ بیگواہی تا تدینی تیٹی تیزی بننگءِ و خوانندہ تے کھشنگ، دزگیر مروکا ورنا تا رد ئٹ ریاست نا رویہ ئے صاف نشان تیک۔
