بلوچستان نا ہند زیارت ئٹی ہنوکا شام سلاہ بند بندغ آک بھلو کچ ئسیٹی کسرئے تفیسہ لاری تے پٹ و پول کریر۔
ناکہ بندی نا وخت سُمکاری نا حوال رسینگانے و ہندا وخت سلاہ بند بندغ آک اِرا بندغ آتے تینتون دریر و پدا اوفتے خلکُر ۔
خلنگ مروکا بندغ آک پنجاب نا ہندیءُ۔
ایلو اینو سہب ئنا ہندا عیلاقہ ٹی رسینگوکا حوال تا رد ئٹ پاکستانی لشکر نا بکتر بند لاری ئے ہم تراک ئٹی نشانہ کننگا ہراٹی میجر ئسیتون اوار اِرا لشکری کارندہ خلنگا و بکتر بند لاری ہم جلہو ئٹی بھُس مسونے۔
لشکری کالخواہ تا رد ئٹ خلنگ مروکا تا پجار میجر حسیب و حوالدار نور محمد نا پن ئٹ مسونے۔
