تِدوکا ارِا دے ئٹی تیبہ بلوچستان ئٹی پاکستانی لشکر ایف سی، لیویز فورس، کوسٹ گارڈ تون اوار مڈی دروک لاری و گیس پائپ لائن تِہ 24 آن گیش جلہو تیٹی ٹِک کرینو۔
تِدوکا نن اورماڑہ و پسنی نا نیامیکو کوسٹل ہائی وے ئے سلاہ بند بندغ آتا بھلع کچ ئس مُسِہ جتاؤ جاگہ تیٹی جعفری کور، خواری چیک پوسٹ و چائی نا نیام ئٹی ناکہ بندی کرسا بند کرے۔ دا وخت آ ہنوک و بروک لاری تِہ پٹ ئہ پول کننگا۔
ہندی مخلوق نا رِد ئٹ ہندا وخت آ کوسٹ گارڈ نا کیمپ آ بھلو جلہو ئس مسس، لشکر ئے جانی نُسخان مسس۔ ہندن کوسٹ گارڈ پولیس نا چیک پوسٹ آ ہم جلہو کرسا کوزہ کریر تہ۔
تِدوکا دے تیٹی بلوچستان نا جتاء علاقہ مستونگ، تربت، خاران، گورکوپ، ہوشاپ، ڈیرہ بگٹی، مشکے، بولان، بلیدہ، زامران، ہیرونک، پنجگور، بارکھان، آواران، دکی، کوہلو، تمپ و گوادر ئٹی سی آن گیش جلہو مسُنے۔
دا جلہو تا زمہ واری ئے ہچو تنظیم ئس دائسکان ہرفتنے۔ یات مرے کہ دا ہند آتیٹی مہالو بلوچ آجوئی خواہوک تنظیم آک کاروائی کرینو۔
