بلوچ سروک رحیم بلوچ ایڈوکیٹ چاگڑدی حوالکاری میڈیا ایکس آ پوسٹ ئس کرسا پارے کہ سینزدہ نومبر نا دے بلوچ شہید آتہ یات شاغنگ نا دے ئے۔ بلوچ قوم ہر سال سینزدہ نومبر نا دے تینا قومی شہیدآ تِہ سلام ندر کیک۔
او پارے کہ بلوچ شہید آک بلوچستان نا آجوئی کن، قوم ئنا شان و شرف کن، بلوچ قومی ٹیوار و سیال آتون سیال مننگ کن تینا کاٹُم تِن ندر کریر۔ ظالم، زوراک و سبَر آ دشمن نا مون ئٹی ھڑسینگ، اوڑتون تڈ توننگ نا رواجے نن کن میراث اِلار۔
اونا پاننگ اس کہ بلوچستان ئے کیرغ خلوک و ننا قومی مڈی تِہ پُھل کروکا دشمن تِن خبر مرے کہ بلوچ قوم تینا شہید آتا تڈ توننگ نا میرات نا وارثی ئے بلوچستان نا آجوئی اِسکان کرو، کوزہ گیر آ دشمن ئے اسہ دم و پاس ئس آرام کن اِلیپرو۔
ای کل بلوچ شہیدا تِہ سلام ندر کیوہ
