بلوچستان نا ضلع خاران و ضلع کیچ آن پاکستانی لشکر چھار بندغ دزگیر کننگ آن پد بیگواہ کرینے۔
خاران آن بیگواہ کننگوک ورنا نا چاہنداری سعید احمد نا مار وسیم نا پن ئٹ مسنے۔
پن کروک بندغ اسہ قصاب ئس ءِ ہرادے درو ویگہ نا دوانزدہ بجہ غا پاکستانی لشکر خاران گواش روڑ آن اونا جند ئنا دکان آن دزگیر کننگ آن پد بیگواہ کرینے۔
ایلو کنڈ آن ضلع کیچ ئنا علاقہ دشت ئنا ہند مکسر آن پاکستانی لشکر ڈاکٹر لیاقت علی پنیئو بندغ ئس اینو سہب ئنا بیگواہ کرینے۔
اندن دشت ئنا ہند کُڈان آن پاکستانی لشکر اِرا بندغ دزگیر کننگ آن گڈ بیگواہ کرینے ہرافتا چاہنداری ستار نا مار عمران و میجر نا مار نثار نا پن ئٹ مسنے۔
تومکا بل نگور نا جہی ءُ، و خُدا مرزی مبارک کازی نا یات ئٹ اڈ ہلوک دیوان ئٹ اوڑدئی کن بسوسر ہرافتِہ پاکستانی لشکر دزگیر کننگ آن گڈ بیگواہ کرینے۔
