مند ئنا خلق مھیر ئٹ پاکستانی لشکر نا زوراکی و اُرا تیا کوزہ نا برخلاف برجاء تولوک برانز ئے اینو یانزدہ دے مس۔ و بلوچ وومن فورم نا کنڈ آن اینو “ریاستی زوراکی و بلوچ لس مخلوق نا ذمہ واری” نا سرحال ئٹ سیمینار اڈ تننگا۔
سیمینار ئٹ بلوچ ویمن فورم نا سروک ڈاکٹر شلی بلوچ تون اوار ایلو تران کریر و بھلو کچ ئسیٹی مخلوق سیمینار ئٹ اوار مسس۔
برانزی تا پاننگ ءِ کہ فرنٹیئر کور (ایف سی) تدوکا پنچ سال آن اوفتا اُرا تیا کوزہ کرینے و مش ئنا ٹُل آتیا چوکی جوڑانے ہراڑان جہی مخلوق اوفتان رکھوک اف۔
مند ئٹ برانز کروکا پارینو کہ ہراتم او بلوچستان آن ڈنی ڈیہہ آ پُہریا کن ہنار تو اوفتا وے ساڑی گری ٹی پاکستانی لشکر اوفتا اُرا تیا کوزہ کرے۔
اوفتا پاننگ اس کہ پاکستانی لشکر نا کنڈ آن آبادی تا تہٹی چھاؤنی اڈ تننگ آن اوفتا ساہ ئہ مال تِہ خطرہ ءِ۔
مند ئنا سیاسی و چاگڑدی تنظیم آک پارینو کہ پاکستانی لشکر ہامدیکا مخلوق نا خلق آتیٹ چوکی جوڑ کرینے تاکہ سلاہ بند جلہو تا مونٹی شاری تِہ ترسا تینٹ رکھوک مرے و جلہو تیٹ لس مخلوق نا بیرانی تا دوبہ ئے بلوچ سلاہ بند تنظیم آتیا خلِسہ ریاست کن مخ تفی دوئی کے۔
داکان بیدس بلوچ وومن فورم نا کنڈ آن ایکس آ دا ویل ئنا رد ئٹ چاہنداری مہم نا پڑو کننگاسس ہرا چاگڑدی حوالکاری میڈیا غا بناء مسنے و سیاسی و چاگڑدی کاریم کروکا دا رد ئٹ پوسٹ کرسا چاہنداری تننگ ءُ۔
