حوال تا رد ئٹ تدوکا دے تیٹ کوئٹہ ریلوے سٹیشن آ جند ندر جلہو ئٹ ٹپی مروک اِرا پین بندغ ٹپ آتان دراخ متور و اسپتال ئٹ ساہ تسر۔
اسہ کھئوکا اوستا محمد نا جہی شفقت علی جت نا پن ئٹ درست مسنے ہرا بلوچستان اسمبلی ٹی ملازم مسُنے۔
ایلو کھئوکا حوالدار نوید نا پن ئٹ درست مسنے ہرا نا علاج کمبائنڈ ملٹری اسپتال کوئٹہ ئٹی مننگ ئٹی مسُنے ولے ٹھپ آتان دروخ متنے و درو ساہ تسنے۔
کوالخواہ تا رد ئٹ دا اِرٹ تون اوار کھئوکا تا کچ 29 مس ہرافتان گیشتری انفنٹری اسکول کوئٹہ ٹی تربیت پورو کروکا پاکستانی لشکر نا کمیشنڈ افسر آتا ءِ۔
ہڑتوما کھئوک آتا جون تہ اوفتا اُراتا سر کننگانے۔
خیال ئٹ مرے کوئٹہ ریلورے اسٹیشن آ جلہو نا ذمہ واری ئے بی ایل اے ہرفیسس و پاریسس دا جلہو ئے اوفتا مجید برگیڈ نا جند ندر جلہو کار محمد رفیق بزنجو عرف وشین کرینے و بی ایل اے دعویٰ کریسس کہ دا جلہو ئٹ کم ئہ ود سی و یک نان کمشنڈ افسر مرگ ئنا گواچی مسنو۔
