بلوچستان نا بنجائی شار شال و ضلع اوستا محمد ئٹ سلاہ بند بندغ آک جلہو کرسا اِرا بندغ کھسفیر۔
حوال تا رد ئٹ شال ئنا ہند سریاب روڈ آ نادُرست آ سلاہ بند بندغ آتا سُم کاری آن بندغ ئس بیران و پین اِسٹ ٹپی مس۔
حوال تا رِد ئٹ بیران مروک دشتی خان نا پِن آ درست مسنے و ٹپی مروک نا پِن عمران ءِ۔ بیران مروک نا جون ئے و ٹپی مروک ئے درمان کننگ کِن اسپتال آ دننگ مسُنے۔
اندن اوستا محمد ئٹ مگسی مارکیٹ ئٹی نادُرست آ سلاہ بند بندغ آک سُم کاری کرسا بندغ ئس کھسفیر۔
حوال تا رِد ئٹ بیران مروک بندغ محمد موسیٰ نا پِن آ درست مسنے، او جھل مسگی، گوٹ ہاشم خان نا ہندی ئس ءِ۔ اونا جون ئے اسپتال آ دننگ آن پد خاہوت نا دوٹی تننگ مسنُے۔
