بلوچستان لبریشن فرنٹ نا ترجمان میجر گہرام بلوچ اِرا جتاؤ بیان شنگ کرسا کولواہ ٹی پاکستانی لشکر نا کاروان آ جلہو و خاران ئٹ تعمیراتی کمپنی نا کاریمی جہہ آ جلہو نا ذمہ واری ئے ہرفے۔
او پارے کہ سرمچارک اینو کوالوہ ئٹ کوزہ گیر دشمن نا کاروان ئے اِرا جتاء جلہو تیٹ ٹک کریر ہرانا سوب آن کوزہ گیر لشکر نا نُہہ کارندہ کھسکُر وکہیک ٹپی مسُر۔
جارکش پارینے کہ 10 نومبر یک شمبے نا دے دوانزدہ نیم نا وخت آ سرمچارک کولواہ نا ہند مراستان ئٹی آپریشن کن بروکا لشکری کاروان ئے ٹک کریر ہراٹی کوزہ گیر لشکر نا پنچ کارندہ کھسکُر و کیہیک ٹپی مسُر۔
میجر گہرام بلوچ پارے کہ ایلو جلہو 10 نومبر یک شمبے نا دے ویگہ نا یک و نیم نا وخت کولواہ ٹی افک و کڈے ہوٹل نا نیامٹ میدانی ہند ئٹ کننگا ہراٹی کوزہ گیر لشکر نا چھار کارندہ کھسُکر وکہیک ٹپی مسُر۔
بی ایل ایف نا جارکش میجر گہرام بلوچ ودیک پارینے کہ اینو سُہب ئنا ہوشاب آن لشکری کارندہ غاک بھلو کچ ئسیٹ کولواہ ٹی آپریشن کن بسر، اُرا تِہ پٹیسہ اُلس ئے بیم ئنا گواچی کریر۔ آپریشن ٹی اُلس ئے فریشان کننگ آن گڈ ہراتم کوزہ گیر لشکر نا کارندہ غاک پیشتمار گُڑا انٹیلیجنس ٹیم ئنا خبر آ مہالو آن سَلوک سرمچارک اسپیشل آپریشن اسکواڈ و قربان یونٹ نا سنگتاک اوار پُوسکُنا و کُبین آ سلاہ تیٹ دژمن نا بیست گاڑی و کیہی موٹر سئیکل آ ساڑی کاروان آ بھلو جلہو کریر۔
جارکش درشان ئٹ پارے کہ جلہو نا دک ئٹ چھار گاڑی و چھار موٹر سئیکل بننگ آن دژمن نا پنچ کارندہ کھسکُر و کیہیک ٹپی مسُر، دژمن نا بکتر بند گاڑیک سرمچار تِہ گھیرہ کننگ نا کوشست کریر ولے جنگی حکمت عملی تیان سرپند آ سرمچارک دژمن ئے شکست ترسا دژمن نا ڈٹ بندی تِہ بےسوب کریر۔
جارکش ودیک پارے کہ جلہو آن خلیس نا گواچی مروکا پاکستانی لشکر مُستی ہننگ نا جاگہ غا ہوٹل نا کنڈ آ رادہ مس، انتئے کہ اوفتے خلیس اسک کہ مشی ہند آتیٹ دوراہ جلہو مننگ کیک ہندا سوب آن لشکر سگک نا کسر کڈے ہوٹل نا کنڈ آ ہننگ ئے جوان گوندا، ولے انٹیلیجنس ٹیم خبر تسک کہ لشکر سگک و کڈے ہوٹل نا نیامیکو پِڑ ئنا کسر آ سفر کننگ ءِ، دا خبر آ سرمچارک اَسہ وار ئس ولدا سنگر ہلِسہ دژمن نا دہ گاڑی تِہ بھلو جلہو تیٹ ٹک کریر ہرانا سوب آن کوزہ گیر لشکر نا چھار کارندہ کھسُکر و کیہیک ٹپی مسُر۔ دا جلہو ویگہ نا یک ئہ نیم آ مس۔
میجر گہرام بلوچ پارے کہ کوزہ گیر لشکر تینا تاغت نا نشہ ئٹ کھور مرسا بلوچستان نا جتا علاقہ تیٹ رستری جلہو کیک، اُلس ئے ظلم و زوراکی نا گواچی کیک، ولے ہراتم اوفتتون مون تننگ کن بلوچ سرزمین نا راست انگا وارث آک بریرہ تو اوفتا تاغت و غرور موڷ مرسا گُم مریک و نرنگ آن بیدس اوفتتون پین کسر بچیپک۔
جارکش پارے کہ بلوچستان نا ہر سند آ بی ایل ایف نا سرمچار آتا، ڈھکوک کُڑدہ، قربان کُڑدہ و اسپیشل آپریشن اسکواڈ نا جہد برجاء ءِ۔ ہر سنگر آ دشمن ئے نہ بیرہ عسکری بلکن نفسیاتی باء تِس نا گواچی کننگ ءُ، ہرانا سوب آن اوفتا جیرت پِننگ ءِ۔ کوزہ گیر لشکر نا دا پِننگ و بھیم سرمچار آتا حکمت عملی و بےباک جیرت نا اعتراف ءِ۔ ہمو پاس مُر اف ہراتم بلوچستان نا فضا تیٹ آزاد بلوچستان نا بیرک فخر ئٹ بڑزا کننگ مرو کوزہ گیر تاغت آک مدامی کن دا سرزمین آن رخصت مرور۔
جارکش ایسر ئٹ پارے کہ بلوچستان لبریشن فرنٹ دا تومکا جلہو تا زمہ واری ئے ہرفک و آزاد بلوچستان نا دوئی مننگ اسکان منظم جلہو تِہ برجاء تخنگ نا عزم کیک۔
اندن جارکش میجر گہرام بلوچ اسہ پین بیان ئس شنگ کرسا پارے کہ سرمچارک دہ نومبر یک شمبے نا دے نیمروچ آ سئے بجہ غا خاران نا ہند جلال زئی و سرگردان ئٹی سی پیک لنک کسر آ تعمیراتی کاریم تیٹی گھٹ کمپنی نا اِرا جتاؤ کاریمی جہہ آ اسہ تم آ جلہو کرسا مشین تِہ ہُشار۔
او پارے داکان مُست ہندا کمپنی نا بلڈورز تِہ سرمچارک ہشار و خبڑدار ہم کریسُر کہ او ریاست نا ڈٹ تیان مُر مریر و اینو اسہ وار ئس پدا خبڑدار کینہ کہ سامراجی ڈٹ تِہ بلوچ سرزمین آ ہچ وڑ ہم قبول کپنہ۔
او دا بیان نا ایسر ئٹ پارے کہ بلوچستان لبریشن فرنٹ دا جلہو نا زمہ واری ئے ہرفک و دا قول ئے بھیرو کیک کہ آجو بلوچستان اسکان کوزہ گیر لشکر، اونا دوستخواہ و سامراجی ڈٹ تِہ ٹک کرسا کرون۔
