کیچ: دشت ئٹی سلاہ بند بندغ آک پاکستانی لشکر نا کیمپ آ جلہو کریر ہرا دائسکان برجاء ءِ۔
جہی حوال تروکا تا رد ئٹ سلاہ بند بندغ آک اینو یک شمبے نا دے ویگہ نا دشت کھڈان ئٹی ساڑی زوراک آ پاکستانی لشکر نا کیمپ آ جلہو کرینو۔
حوال تروک آتا پاننگ ءِ کہ جلہو دائسکان اسہ وڑ برجاء ءِ و سخت تراک و سمکاری تا توار مُر مُر اسکان بننگ مننگ ءِ۔
جلہو ئٹ پاکستانی لشکر ئے جانی نسخان نا حوال ارے و دا رد ئٹ ننا پٹ ئہ پول برجاء ءِ۔
جلہو نا ذمہ واری ئے دائسکان کس ہرفتنے۔
