بلوچستان لبریشن فرنٹ نا جارکش میجر گہرام بلوچ میڈیا ٹی شنگ کروک تینا درشان ئٹی پارینے کہ سرمچارک نُہہ نومبر نا سُہب آ تنظیم نا انٹیلیجنس کُڑدہ نا حوال تننگ آ خاران نا ہند گواش ئٹی دشمن فورس، فرنٹیئر کور نا گشتی ٹولی آ جلہو کرسا اوفتِہ ٹک کریر ہراکہ دروشم بدل کرسا سول پُچ بینوک خاران شار ئنا کُنڈ آ موٹر سئیکل آ تیا تولوک ہننگ اسُر، اَسہ موٹر سئیکل ئسے آ تولوک اِرا کارندہ جلہو نا دک ئٹ بسُر ہرافتیٹ اَسٹ ئس ہموتم کھسک ایلو کارندہ بھاز ٹپی مس۔
جارکش پارینے کہ خاران شار ئٹی سرمچار آتا وار وار ئنا کاروائی تا سوب آن دشمن لشکر داسا خُلیس آن دروشم بدل کر سا لس بندغ تا پچ آتیٹ گشت کننگ آ بیوس مسُنے ولے بی ایل ایف نا ڈھکوک کُڑدہ تون اوار سنگتاک دشمن نا ہِن ئہ بر آ پام تننگ ءُ و وخت آ کاروائی کن تیار ءُ۔
میجر گہرام پارے کہ بی ایل ایف خاران نا سمائی آ اُلس آن خواست کیک کہ او دشمن لشکر نا ہِن ئہ بر نا وخت آ احتیاط کن اوفتان مُر مریر انتئے کہ دشمن ئے دک لگنگ آن پد او سرمچار آتون جنگ کننگ نا جاگہ غا لس بندغ آتِہ ٹک کیک۔ ہندا سوب آن تینا رکھ کن کوزہ گیر پاکستانی لشکر آن مُر مرسا سرمچار آتون کمک کیر۔
جارکش ایسر ئٹ پارے کہ بلوچستان لبریشن فرنٹ دا جلہو نا زمہ واری ئے ہرفک و بلوچستان نا آجوئی اسکان پاکستانی لشکر، لشکری ماڑی ئہ مڈی و استحصالی ڈٹ تیا جلہو تِہ برجاء تخون۔
