بلوچستان نا ضلع خاران ئٹی نادُرست آ سلاہ بند بندغ آک پاکستانی لشکر نا گشتی ٹولی ئے جلہو ئٹی ٹک کریر۔
جلہو خاران نا ہند گواش ئنا جہہ آ مسُنے۔
حوال تروک نا رد ئٹ گواش روڈ آ سلاہ بند بندغ آک ایف سی نا گشتی ٹولی ئے ہموتم ٹک کریر ہراتم او موٹر سائیکل آتیا گشت کننگ اسُر۔
حوال تا رد ئٹ دا جلہو ئٹی لشکری کارندہ غاک مرگ ئنا گواچی و ٹپی مسُنو، واہم کالخواہ تا کنڈ آن ہچو درشان مونا بتنے۔
جلہو نا زمہ واری ئے دائسکان ہچو تنظیم ئس ہرفتنے۔
