کوئٹہ، ریلوے اسٹیشن آ تراک ئٹ پاکستانی لشکر نا کیہی کارندہ مرگ ئنا گواچی و ٹپی مسر۔
کوئٹہ ریلوے اسٹیشن آ تراک آن گڈ جون و ٹپی آتِہ سول اسپتال کوئٹہ غا رادہ کننگانے۔
کوئٹہ، ایم ایس سول اسپتال کوئٹہ ڈاکٹر نوراللہ و مینجنگ ڈائریکٹر ٹراما ڈاکٹر ارباب کامران اسپتال و ٹراما سینٹر ئٹی ایمرجنسی خلکنو، تراک آن گڈ ڈاکٹر وپیرامیڈیکل ئے دمدستی ڈیوٹی آ خواہفنگا۔
اندن بلوچ لبریشن آرمی نا ترجمان جیئند بلوچ میڈیا غا شنگ کروک تینا گؤنڈو بیان ئسیٹی پارینے کہ اینو سہب ئنا کوئٹہ ریلوے اسٹیشن ئٹ پاکستانی لشکر نا اسہ ٹولی ئسے آ ہموتم جند ندری جلہو کننگا، ہراتم او انقٹری اسکول آن کورس ایسر کننگ آن پد جعفر ایکسپریس نا وسیلہ ئٹ پدا ہِننگ اسر۔
جیئند بلوچ نا پاننگ اس کہ جلہو ئے بی ایل اے نا جند ندر کڑدہ مجید بریگیڈ سر تس۔ او پارے کہ شابیتی حوالک زوت میڈیا غا شنگ کننگور۔
